Inuit qanoq najugaqarnerat

Asiap sumiiffinnut nalunaarsuiffiani nassaarineqarsinnaapput 16. Oktober 2015 Kalaallit Nunaanni sumiiffiit inoqarfiusut 89-it. Sumiiffik illoqarfiusinnaavoq (17), nunaqarfiusinnaalluni (59), savaateqarfiusinnaalluni (5) stationeqarfiusinnaallunilu (5).

 

1. januar 2009 kommunerujussuanngortitsisoqarnera tikillugu kommuneqarfiit tamarmik ataatsimik illoqarfeqarput, taamani illoqarfinni allaffissornerit ingerlanneqarput. Kommunerujussuanngortoqarneratalu kingorna taakku kommunitoqqat nunap immikkoortuinik taaneqartarlerput. Ullumikkullu kommuni arlalinnik illoqarfeqarlunilu nunaqarfeqarpoq.

 

1960-ikkut ingerlaneranni illoqarfinni innuttaasut amerliartupiloorput. Tamatuma kinguneraa, illoqarfinni innuttaasut amerlanerulernerat nunaqarfinnilu innuttaasut ikiliartornerat. Innuttaasut illoqarfinni amerlassusiisa annertusigaluttuinnarnerat, nunaqarfinnilu innuttaasut ikiligaluttuinnarnerat ukiuni 30-ni kingullerni taamaaginnavissimavoq. Titartakkami 4.1-imi takutinneqarpoq 1977-imiit 2015-imut illoqarfinni innuttaasut amerliartornerat. Nuummi, Qaanaami Tasiilamilu ukiuni pineqartuni innuttaasut marloriaammik amerleriarnerat takuneqarsinnaavoq, akerlianillu Paamiuni Qasigiannguanilu innuttaasut ikileriarnerat takusassaalluni.

 

Titartagaq 4.1. 1977-imiit 2015-imut illoqarfinni innuttaasut nikerarnerat

Najoqqutaq: Naatsorsueqqissaartarfik, http://bank.stat.gl/benst3

 

Upernavimmi Ilulissanilu nunaqarfiini taamaallaat innuttaasut amerleriarput. Nunaqarfiit arlallit inueruttut matuneqarput, taamatullu arlalinni innuttaasut amerlassusaat affaannanngorlutik.

 

Titartagaq 4.2. 1977-imiit 2015-imut nunaqarfinni innuttaasut nikerarnerat

Najoqqutaq: Naatsorsueqqissaartarfik, http://bank.stat.gl/benst3